Local

Wiil Soomaali ah loo xiray dilkii uu ugeystay wiil kale oo Soomaali ah

Maxkamad ku taala magaaladda Minneapolis ee gobolka Minnesota, gaar ahaan degmadda Hennepin ayaa waxaa maanta dacwo lagu soo oogay Farxaan Cumar Hersi oo ah 29 jir  Soomaali ah.

Farxaan Cumar ayaa dacwadda lagu soo oogay ay tahay dambi iyo dil la xiriira Cabdullahi Sacid Cawil  oo ahaa wiil dhallinyaro ah oo uu Farxaan ku dilay habeenkii Khamiista ee ay taariikhda bisha August ahayd 8/31/2017 magaalada Minneapolis.

Sida dacwadda lagu soo oogay ku qoran, Farxaan Cumar ayaa waxaa qabatay ama laga dhex arkay muuqaal video-ah oo ay duubtay kaamerad ku taalay goobta ay toogashadu ka dhacday ee Allaha u naxariistee Cabdullahi lagu toogtay. 

Farxaan Cumar ayaa loo haystaa dila Cabdullahi

Cabdullahi ayaa saqdii dhexe  ama markii ay saacadu ahayd 3:45 subaxnimo lagu dilay agagaarka xaafada Cedar ama meesha loo yaqaano 7 corners ee ku taala geeska xaafada Cedar ee ay Soomaalidu degen yihiin.

Marxuun Cabdullahi Sacid Cawil

Waxaa maalman dib u soo noqonaya is xabadayntii iyo dilalka  dhallinyarada Soomaalida ah loo geeysto ama ay isku geystaan. Waxaa maanta oo Talaado ah gobolka Minnesota lagu aasay wiilkale oo Soomaali ah oo habeenimadii Axada la toogtay. Todobaadkii la soo dhaafay ayaa waxaa sidoo kale gobolka Ohio iyo dalka Canada lagu dilay wiilal Soomaali ah. 

Halkan ka akhriso dacwaddii lagu soo oogay Farxaan Cumar: Akhri

 

To Top